Грэцыя працягвае змагацца з вогненнай стыхіяй

Сітуацыя выйшла з-пад кантролю. Лясныя пажары сталі найбуйнейшым бедствам у краіне за апошнія 10 гадоў. У спісе пацярпелых амаль дзве сотні чалавек. Без вестак зніклі, паводле некаторых дадзеных, яшчэ больш за сотню. У Грэцыі аб'яўленая трохдзённая жалоба. Разам з імі смуткуе і Еўрасаюз. Словы падтрымкі народу Грэцыі паступаюць з усяго свету. Спачуванні родным і блізкім загінуўшых, а таксама прэзідэнту краіны выказаў Кіраўнік беларускай дзяржавы Аляксандр Лукашэнка. Сёння перад рэзідэнцыямі еўрапейскіх інстытутаў у еўраквартале прыспушчаныя флагі. Усе рабочыя пасяджэнні ў Еўракамісіі пачыналіся з хвіліны маўчання. Такое ж рашэнне прыняў і Еўрапарламент. Лізавета Казакова расказвае (відэа).