Лізавета II пазбавіла Гары і Меган каралеўскіх тытулаў

Ужо не прынц. Букінгемскі палац апублікаваў заяву аб пазбаўленні прынца Гары і Меган Маркл каралеўскіх тытулаў. Муж і жонка больш не будуць працаваць членамі брытанскай каралеўскай сям'і, не змогуць прадстаўляць каралеву Вялікабрытаніі на афіцыйных мерапрыемствах і карыстацца дзяржаўным фінансаваннем. Акрамя таго, пара вырашыла выплаціць тры мільёны долараў, выдаткаваных са сродкаў брытанскіх падаткаплацельшчыкаў, на ўладкаванне катэджа Фрагмор, які застанецца іх рэзідэнцыяй у каралеўстве. Дарэчы, у афіцыйнай заяве Лізавета II падзякавала пары за працу і адзначыла тое, як хутка Меган стала паўнавартаснай часткай каралеўскай сям'і.