Экіпаж аварыйнага "Саюза" зноў адправіцца да МКС

Экіпаж карабля "Саюз", які не змог праз аварыю даляцець да МКС, паўторыць спробу 1 сакавіка. Як сказала крыніца агенцтва "Інтэрфакс" на касмадроме Байканур, касманаўт Аляксей Аўчынін і астранаўт Нік Хейг разам з астранаўтам Крысцінай Кук увойдуць у склад асноўнага экіпажа карабля "Саюз МС-12". У сярэдзіне кастрычніка пры запуску з касмадрома Байканур да МКС ракеты "Саюз-ФГ" з пілатуемым караблём узнікла няштатная сітуацыя. Экіпажу прыйшлося здзейсніць аварыйную пасадку ў Казахстане.