Эдвард Сноўдэн зможа жыць у Расіі цэлы год

Былы супрацоўнік Агенцтва нацыянальнай бяспекі ЗША Эдвард Сноўдэн атрымаў ад адваката Анатоля Кучарэны даведку аб прадастаўленні прыстанішча ў Расіі на адзін год і пакінуў транзітную зону Шарамецьева. Месца, дзе знаходзіцца Сноўдэн, пакуль не называецца. Нагадаем, Сноўдэн абвінавачваецца ў шпіянажы з-за таго, што ён зліў амерыканскай прэсе інфармацыю аб метадах працы ЦРУ. У выніку іміджу ЗША нанесены каласальны ўрон. А вось дзейнасць Брэдлі Мэнінга - перадачу звестак Wikileaks - пералічылі ў долары. Урон ацанілі больш як у 6 мільёнаў. Вайскоўцы вывучылі і ацанілі публікацыі дакументаў аб аперацыях ЗША ў Афганістане, Іраку і іншых матэрыялаў. Нагадаем, раней суд прызнаў інфарматара Wikileaks вінаватым па большасці пунктаў. У выніку Мэнінгу пагражае больш за 130 гадоў турмы. Слуханні па справе прадоўжацца да 23 жніўня.