Эбола ў ЗША

У ЗША ідуць пошукі звыш 100 чалавек, якія ляцелі ў Далас у адным салоне з амерыканскай медсястрой. Гэта было за суткі да афіцыйнага дыягнаставання ў яе ліхаманкі Эбола. Жанчына стала другім чалавекам, які заразіўся вірусам у Злучаных Штатах. Прадстаўнік ААН заявіў, што міжнародная супольнасць пакуль не паспявае збіць тэмпы распаўсюджвання віруса. Так, да снежня, паводле яго меркавання, у тыдзень будуць захворваць ліхаманкай да 10 тысяч чалавек. Зараз вядома аб амаль дзевяці тысячах інфіцыравання Эболай.