Дом Сціва Джобса стаў гістарычнай славутасцю

Аднапавярховы дом у каліфарнійскім Лос-Альтосе, дзе юны стваральнік кампаніі Apple Сціў Джобс займаўся стварэннем сваіх першых камп'ютараў, атрымаў статус гістарычнай славутасці. Камісія, якая аднагалосна прыняла рашэнне, два гады змагалася за захаванне жылля ў першапачатковым выглядзе. Зараз улады горада чакаюць патока турыстаў - прыхільнікаў яблычнай прадукцыі. Лічыцца, што ў гаражы дома Джобс і яго сябар Сціў Возняк распрацавалі і сабралі першыя 50 камп'ютараў Apple.