На ўзлётнай паласе загарэўся "Боінг-777" авіякампаніі British Airways. На борце лайнера знаходзіліся 159 пасажыраў і 13 членаў экіпажа. Усіх людзей экстранна эвакуіравалі. Паводле слоў прадстаўнікоў аэрапорта, 2 чалавекі атрымалі малаважныя траўмы. Згодна з папярэднімі звесткамі, агонь успыхнуў у адным з рухавікоў. Самалёт павінен быў адправіцца ў лонданскі аэрапорт Гатвік. Пажар хутка патушылі.
