Баевікі знішчылі руіны старажытнага горада Хатра на поўначы Ірака

Баевікі радыкальнай групоўкі "Ісламская дзяржава" знішчылі руіны старажытнага горада Хатра на поўначы Ірака. На відэа, якое экстрэмісты выклалі ў Сетцы, бачна, як зламыснікі расправіліся з бясцэннымі статуямі пры дапамозе кувалдаў і зброі. Паселішча Хатра было заснавана ў 3-м стагоддзі да нашай эры і ўваходзіла ў склад Парфянскага царства. Руіны горада былі ўключаны ў спіс Сусветнай спадчыны ААН. Адзначым, што гэта не першы выпадак знішчэння ісламістамі гістарычных і культурных помнікаў.