Блакіраванне дарог каталонцамі спыняецца

Маніфестацыі прыхільнікаў незалежнасці Каталоніі на аўтамагістралях рэгіёна  спыняюцца. Рух па шашы на іспана-французскай мяжы аднавілі пасля ўмяшання паліцэйскага спецназа. Але дэманстранты перамясціліся ў горад Сальт, дзе ўзвялі новую барыкаду. У заторах апынуліся сотні аўтамабіляў.

Актывісты сарвалі паказ новага фільма Паланскі

Тым часам у адным з кінатэатраў Парыжа  дзясяткі актывістаў сарвалі паказ новага фільма Рамана Паланскі. А ўсё з-за абвінавачанняў актрысы Валянцін Манье. На мінулым тыдні яна заявіла, што ў 75-м годзе пастаноўшчык учыніў сексуальнае злачынства ў адносінах да  яе на гарналыжным курорце ў Швейцарыі. Сам рэжысёр абвінавачанне адхіліў.