Нягледзячы на патрабаванне прэзідэнта Трампа, мэры і губернатары, якія прадстаўляюць Дэмакратычную партыю, ад дапамогі Нацыянальнай гвардыі адмаўляюцца. Больш за тое, дэмакраты рыхтуюць парламенцкую рэзалюцыю з асуджэннем кіраўніка дзяржавы за жорсткасць мер, што прымаюцца ім. Паліцыя, аднак, не спраўляецца: слёзатачывы газ і гумовыя кулі прымяняліся для разгону натоўпу, напрыклад, у Санта-Моніцы і Сіэтле. Ды і ў Нью-Ёрку насуперак абяцанням мэра аднавіць парадак пакуль не ўдаецца.
Улады паведамляюць, што затрыманы 4 400 удзельнікаў акцый пратэсту. Пагромы тым часам дакаціліся і да Еўропы.
У Парыжы падтрымалі амерыканскія пратэсты
Сутыкненні з паліцыяй, напрыклад, адбыліся ў Францыі. У Парыжы палілі смеццевыя бакі і ўступалі ў бітвы з праваахоўнікамі, не толькі аддаючы даніну памяці амерыканцу Флойду. Тут уладу абвінавачваюць у гібелі нейкага Траарэ, які нібы таксама стаў ахвярай расавых забабон.