Белы дом хоча змяніць іміграцыйную палітыку

Дональд Трамп сёння анансуе новы план іміграцыйнай рэформы. Прэзідэнт ЗША паспрабуе ўпэўніць грамадскасць і заканадаўцаў у неабходнасці скарачэння колькасці легальных імігрантаў да мільёна ста тысяч за год. І лідар прапануе адмяніць латарэю Green Card . Зараз яна дазваляе многім іншаземцам атрымаць пастаяннае пасведчанне на права жыхарства ў ЗША, незалежна ад прафесійнай кваліфікацыі, адукацыі і ведання мовы. Улады маюць намер перш за ўсё выдаваць грын-карту не сваякам імігрантаў, у якіх ёсць амерыканскае грамадзянства, а адукаваным і высокакваліфікаваным спецыялістам.