Армія Ірака праводзіць шырокамаштабную аперацыю па вызваленні Масула ад баевікоў

Нагадаем, горад знаходзіцца пад кантролем "Ісламскай дзяржавы" ўжо два гады. На гэты момант вайскоўцам атрымалася вызваліць больш за 10 населеных пунктаў. Падчас адной з аперацый загінулі 70 чалавек - тэрарыст-смяротнік атакаваў армейскую калону. Удары з паветра працягваюць наносіць ВПС Францыі і ЗША. Прадстаўнік Пентагона Пітэр Кук заявіў, што зачыстка баевікоў ідзе з "апярэджаннем графіка", але рабіць высновы яшчэ рана. ААН і Чырвоны Крыж разгарнулі лагеры дапамогі бежанцам. Толькі на гэтую гадзіну туды прыбыло звыш 30 000 чалавек. Б'юць трывогу эксперты: яны асцерагаюцца, што пасля вызвалення Масула экстрэмісты могуць вярнуцца ў Еўропу.