Антыкарупцыйнае агенцтва Украіны ўзялося за Віталя Клічко

Паводле даных мясцовых СМІ, мэр Кіева ўжо атрымаў афіцыйнае паведамленне аб пачатку дзеянняў у яго дачыненні і быў выкліканы на допыт. Мяркуецца, што прычынай стаў палёт Клічко на прыватным самалёце з буйнымі кіеўскімі забудоўшчыкамі. Следчыя западозрылі мэра Кіева ў парушэнні забароны аб атрыманні чыноўнікамі падарункаў. Тады мэр Кіева заявіў, што забудоўшчыкаў сустрэў у Неапалі выпадкова, а на прыватным самалёце паляцеў, паколькі яго першапачаткова набытыя білеты былі з перасадкай, а гэта нязручна.