Анансаваны спіс вядучых і герояў "Оскара"

Амерыканская кінаакадэмія анансавала спіс вядучых і герояў цырымоніі ўручэння прэміі "Оскар". Сярод тых, хто возьме ўдзел ва ўрачыстасці 28 лютага, - Бенісіа дэль Тора, Вупі Голдберг, а таксама Кевін Харт. Паводле слоў прадзюсараў прэміі, кожны з гэтых акцёраў прыўносіць "надзвычайна характарны элемент на оскараўскую сцэну". Гэтай цырымоніі папярэднічала бурная дыскусія пра недастатковую расавую разнастайнасць у спісе акцёраў-намінантаў. А рэжысёр Спайк Лі запатрабаваў увесці спецыяльныя квоты для нябелых акцёраў пры вылучэнні на "Оскар".