Падлік галасоў на парламенцкіх выбарах у Германіі завяршыўся. Альянс ХДС/ХСС набірае 33 працэнты, Сацыял-дэмакратычная партыя - 20, "Альтэрнатыва для Германіі" ўпершыню праходзіць у парламент з 12 працэнтамі галасоў. Таксама ў бундэстаг прайшлі ліберальная Свабодная дэмакратычная партыя, левыя і зялёныя. Раней канцлер ФРГ Ангела Меркель заявіла, што гатовая сфарміраваць новы ўрад. Нягледзячы на перамогу, яе партыя атрымала горшы вынік за апошнія 70 гадоў.
Ангела Меркель, канцлер Германіі: "Наперадзе ў нас некалькі няпростых тыдняў, але альянс ХДС/ХСС заўсёды нёс поўную адказнасць за ўсё, што адбываецца ў краіне, за нашу праграму, за ўсё тое, што важна і для нас, і для людзей. Я перакананая, што і ў далейшым мы не адступім ад гэтага правіла".
Адзіная з чаканых кааліцый, якой удасца атрымаць большасць у бундэстагу, - гэта саюз ХДС/ХСС, зялёных і Свабоднай дэмакратычнай партыі. Яе палітолагі завуць Ямайка па колерах флага дзяржавы: чорны - у ХДС, жоўты - у СДП і зялёны - у зялёных.
