Андэрс Брэйвік часова пераведзены ў турму Шыен

Нарвежскі тэрарыст нумар 1 Андэрс Брэйвік часова пераведзены ў турму Шыен. З мінулага жніўня, калі яму быў вынесены прысуд, ён утрымліваўся ў турме Іла і неаднаразова скардзіўся на дрэннае абыходжанне. Брэйвік, які забіў у двух тэрактах у Осла і на востраве Утоя ў ліпені 2011 года 77 чалавек, гэтым летам вырашыў стаць дыпламаваным палітолагам, выклікаўшы буру абурэння ў Нарвегіі. Так міністр адукацыі краіны выказала гатоўнасць паўплываць на змяненне закона аб атрыманні зняволенымі адукацыі, толькі каб тэрарыст не змог вучыцца ва ўніверсітэце.