Amazon сабраўся судзіцца з Пентагонам

Amazon падае ў суд іск супраць Пентагона і кампаніі Microsoft. Карпарацыя збіраецца аспрэчыць падпісанне кантракта ведамства на стварэнне воблачнай інфраструктуры захоўвання даных з Microsoft. Яго сума ацэньваецца на 10 мільярдаў долараў.

Раней гэты кантракт Пентагон павінен быў падпісаць менавіта з Amazon, аднак пазней змяніў сваё рашэнне на карысць кампаніі Біла Гейтса. Кіраўніцтва Amazon разлічвае даказаць, што на рашэнне ваеннага ведамства паўплываў Дональд Трамп, бо незадоўга да гэтага ён выступіў з крытыкай заснавальніка кампаніі Джэфа Безаса.