У Лондане дэманстрацыя разгарнулася прама ля будынка пасольства Францыі ў Вялікабрытаніі. Дзясяткі актывістак, убраныя ў ісламскае пляжнае адзенне і бікіні, высыпалі на зямлю кілаграмы пяску і зрабілі ў цэнтры горада пляж. Некаторыя трымалі ў руках плакаты, якія закліквалі французскія ўлады дазволіць жанчынам насіць тое адзенне, якое яны жадаюць.
Аналагічная акцыя прайшла ля будынка пасольства Пятай рэспублікі ў Германіі. Нагадаем, на паўднёвым усходзе Францыі забарона на нашэнне буркіні на пляжах уведзеная па меншай меры ў 15 гарадах.
