Афганскія сілы бяспекі вызвалілі аэрапорт горада Кандагар

Афганскія сілы бяспекі поўнасцю вызвалілі комплекс аэрапорта горада Кандагар ад баевікоў руху "Талібан", якія напалі напярэдадні. Гэта паведамілі мясцовыя ўлады на сайце Міністэрства абароны краіны. Падчас бою, які працягваўся больш чым суткі, забітыя 11 баевікоў. Ахвярамі нападу сталі 50 чалавек, сярод якіх вайскоўцы, супрацоўнікі паліцыі і мясцовыя жыхары. Яшчэ каля 40 чалавек атрымалі раненні. Нагадаем, пасля вываду асноўных сіл міжнароднай кааліцыі сітуацыя ў Афганістане, асабліва ў паўночных і ўсходніх правінцыях краіны, абвастрылася. Становішча пагоршылася тым, што рух "Талібан" зараз канкурыруе за кантроль над рэгіёнам з групоўкай "Ісламская дзяржава".