А. Хахштэйн: У выпадку халоднай зімы некаторыя краіны Еўропы рызыкуюць сутыкнуцца з надзвычайнымі складанасцямі

У выпадку халоднай зімы некаторыя краіны Еўропы рызыкуюць сутыкнуцца з надзвычайнымі складанасцямі. Аб гэтым заявіў прадстаўнік Дзярждэпартамента ЗША Амас Хахштэйн - яго словы прыводзіць агенцтва "Блумберг". Ён выказаў асцярогу, калі зіма будзе халаднейшай, чым звычайна, у ЗША не будзе досыць газу для паставак у Еўропу. Адной з прычын дэфіцыту паліва палітык назваў высокія цэны на сыравіну. У гэтай сітуацыі некаторыя дзяржавы змогуць дазволіць сабе купляць газ па высокім кошце, а іншым прыйдзецца размяркоўваць паліва па квотах, а гэта можа прывесці да прастояў і канфліктаў. Нагадаем, цана на газ у Еўропе за апошнія дні перавысіла адзнаку 900 долараў.