Насычаны парадак дня дзяржаўнага візіту Прэзідэнта Беларусі ў Азербайджан. Адной з тэм афіцыйных перамоў напярэдадні стала пасляваеннае аднаўленне тэрыторый.
17 мая лідары Аляксандр Лукашэнка і Ільхам Аліеў асабіста паглядзелі, як у гэтых рэгіёнах ідзе будаўніцтва на прыкладзе гарадоў Фізулі і Шуша. Прычым Ільхам Аліеў сам сеў за руль і нават правёў экскурсію. Удзел у мадэрнізацыі прымуць і беларускія будаўнікі. Бакі дамовіліся, што ў Агдамскім раёне ў цэнтральнай частцы Азербайджана нашы спецыялісты ўзвядуць населены пункт. У яго архітэктуры выкарыстаюць беларускі каларыт. Для аднаўленчых работ у дапамогу рэгіёну дадзена беларуская трактарная тэхніка - падарунак ад Аляксандра Лукашэнкі гораду Шуша. Падрабязнасці ў рэпартажы Кацярыны Круталевіч (відэа).
