А321: Выбуховае рэчыва выяўлена на абломках самалёта

Новыя падрабязнасці расследавання катастрофы расійскага самалёта над Сінаем. Бомба, магчыма, была закладзеная пад пасажырскім сядзеннем. Як піша газета "Коммерсант", пранесці выбуховую прыладу маглі прыбіральшчыкі салона або рабочыя, якія дастаўлялі ежу і багаж. Згодна з інфармацыяй, якая паступае, на целах пасажыраў А321 выяўленыя сляды трацілу. Паводле звестак экспертаў, пасажыры, якія атрымалі выбуховыя траўмы, знаходзіліся ў хваставой частцы лайнера. Выбух прывёў да рэзкага перападу ціску, ад якога экіпаж і пасажыры, верагодна, загінулі амаль імгненна. Учора кіраўнік ФСБ Расіі назваў тэракт прычынай крушэння расійскага лайнера. Выбуховае рэчыва выяўлена на абломках самалёта. Магутнасць бомбы склала да аднаго кілаграма ў трацілавым эквіваленце.