209 чалавек ужо выратаваныя з парома ў Тайландзе

Тайландскім ратавальнікам атрымалася выратаваць і даставіць на бераг 209 чалавек з парома, які патануў. 10 з іх у цяжкім стане. Колькасць ахвяраў крушэння дасягнула сямі: загінула расіянка, кітаец, тры тайцы і двое мужчын еўрапейскай знешнасці, аб іх грамадзянстве пакуль невядома. Як мы ўжо паведамлялі, трагедыя адбылася ўчора. Гэта быў апошні вячэрні рэйс з вострава на мацярык. Дарога ў Патаю павінна была заняць паўгадзіны. Аднак адразу пасля адплыцця ўзніклі непаладкі з рухавіком. Пасажыры судна, якое пачало тануць, рынуліся з ніжняй палубы на верхнюю. Паром нахіліўся і хутка пайшоў пад ваду ўсяго за сотню метраў ад пляжа. На думку экспертаў, прычынамі трагедыі маглі быць перагружанасць парома і моцнае хваляванне на моры. Зараз паліцыя шукае капітана парома. Яму збіраюцца прад'явіць абвінавачанні. Відавочцы гавораць, што выратавальных камізэлек на ўсіх не хапіла, а персанал не папярэджваў пасажыраў аб аварыі.