Як гэта было, расказвае Вольга Халадовіч.
Настолькі блізка да Беларусі алімпійскі агонь яшчэ не ніколі не набліжаўся. Бранск, які на адзін дзень стаў сталіцай Алімпійскага руху, - унікальны горад - тут сыходзяцца ў адным пункце межы Расіі, Беларусі і Украіны.
Усяго 200 метраў пад бурныя апладысменты і алімпійскі агонь перадаецца наступнаму факеланосцу. На памяць у іх застанецца асабліва распрацаваны для ганаровай місіі касцюм і незабыўныя ўражанні.
Аўтографы і бясконцыя фота. У любым пункце Бранска факеланосцы ў цэнтры ўвагі. Усяго іх 210. Сярод іх майстры, прызёры і чэмпіёны Алімпійскіх гульняў, Герой Савецкага Саюза.
Аляксандр Крыўчанкоў, майстар спорту міжнароднага класа па лёгкай атлетыцы: Эстафета алімпійскага агню ў Бранску за яго больш чым тысячагадовую гісторыю праводзіцца ўпершыню. І вось гэта старонка гістарычная, мы яе сёння, усе 210 факеланосцаў, напісалі і яе ўжо зараз з гісторыі не выкрасліш. Таму тое, што мы зрабілі гэты ўклад, вельмі радуе і гэта вельмі вялікая адказнасць.
Браты-славяне не маглі застацца ўбаку ад бранскага свята. Творчыя калектывы з Гомеля і Чарнігава прыехалі, каб падтрымаць эстафету.
Да знакавай падзеі рыхтаваліся не толькі артысты і спартсмены. Спецыяльна ў гонар эстафеты олімпійскага агню быў пашыты рэкордны па сваіх памерах славянскі ручнік.
Гэта старажытная славянская традыцыя - сустракаць гасцей з ручнікамі. Дык вось, гледзячы на Бранскі ручнік, такі інтэрнацыянальны, даўжынёй 156 метраў, становіцца зразумела, гасціннасць нашых народаў не ведае меж.
Алімпійскі агонь прынёс у Бранск не толькі свята, але і першы сёлета снег. Мясцовыя ўпэўненыя - гэта добры знак.
Песні, танцы, святлодыёднае шоу - так сагравалі ў Бранску ў чаканні кульмінацыі свята. І вось, 210-ы - фінальны - факеланосец - алімпійская чэмпіёнка 20-ых зімовых Алімпійскіх гульняў у Турыне Ларыса Куркіна з'яўляецца на стадыёне з запаветным факелам.
Ён важыць амаль два кілаграмы і нават алімпійскай чэмпіёнцы ўтрымаць яго ў руках было нялёгка. Але, як прызнаецца журналістам Ларыса Куркіна, хутчэй, з-за хвалявання.
Губернатар Бранскай вобласці Мікалай Дзенін разам з Ларысай Куркінай запалілі гарадскую чашу агню. Бранск урачыста перадаў эстафету Курскай вобласці.
Мікалай Дзенін, губернатар Бранскай вобласці: Вось гэты факел запаліць чашу алімпійскага агню ў Сочы. Гэта нам удвая і ўтрая ганарова. Тым больш, што 2014 год для зямлі бранскай асаблівы, нам 70 гадоў.
Эстафета алімпійскага агню Сочы-2014 - самая маштабная за ўсю гісторыю алімпійскага руху. Яна праходзіць праз сталіцы ўсіх рэгіёнаў Расіі. І ахопіць роўна 2014 населеных пунктаў. Алімпійскі агонь перадаецца па зямлі, вадзе і паветры і літаральна праз некалькі дзён прыбудзе ў Сочы. Да галоўнай спартыўнай падзеі застаецца ледзь менш за месяц.
