Гэтыя спаборніцтвы стануць вызначальнымі ў фарміраванні алімпійскіх каманд, бо да старту Гульняў у Пхёнчхане застаецца менш за месяц і толькі адзін этап у італьянскім Антхольцы. Аб першым дні нямецкага этапу і выніках мужчынскай індывідуальнай гонкі з Рупольдынга Ганна Эйсмант.
З дажджлівага Аберхофа наймацнейшыя біятланісты свету пераехалі ў Рупольдынг. І нароўні з усімі балельшчыкамі і змёрзлымі ў Аберхофе журналістамі атрымліваюць асалоду ад выдатнага зімовага надвор'я! Камфортныя плюс 6 і сонца! А сам стадыён "Хімгаў-Арэна" размяшчаецца сярод маляўнічых Альп.
Стартаваў 5-ы этап Кубка свету па біятлоне мужчынскай індывідуальнай гонкай. І лепшы вынік з 4-х беларусаў паказаў Сяргей Бачарнікаў - 23 месца з адным промахам!
Першая гонка этапу на 20 кіламетраў цяжка далася і Дзмітрыю Абашаву. Тры промахі на 4-х агнявых рубяжах - у выніку 76 месца.
Этап у Рупольдынгу стане для шматлікіх каманд, у тым ліку і беларускай, вызначальным у фарміраванні канчатковага складу на Алімпіяду. Таму шматлікія спартсмены ўказваюць, у тым ліку, і на нервовае напружанне ў сувязі з адборам на Гульні.
У няпростай сітуацыі зараз, напрыклад, і трэнерскі штаб каманды Нарвегіі - тут пакуль адкрытым застаецца пытанне па легендарным Бьёрндалене. Сёння ў гонцы ён толькі 42-і, у той час як маладое пакаленне нарвежцаў у асобе таго жа Ёханеса Бе - сёння ён 3-і - з зайздроснай частатой з'яўляецца на подыумах!
Перамог у першай гонцы 5-га этапу француз Мартэн Фуркад. Нават з адным промахам на апошнім рубяжы ў выніку апярэдзіў найбліжэйшага праследавальніка чэха Моравеца больш чым на хвіліну.
