Вароты нацыянальнай зборнай Беларусі па хакеі ў першым таварыскім матчы з камандай Казахстана будзе абараняць Віталь Трус. На наступны дзень на апошняй мяжы згуляе Міхаіл Карнавухаў. Пра гэта распавёў галоўны трэнер беларускай каманды Дэйв Льюіс. На снежаньскі збор коўч выклікаў 27 гульцоў. Большасць - прадстаўнікі Экстралігі.
Дэйв Льюіс, галоўны трэнер зборнай Беларусі па хакеі: "Мэта застаецца ранейшай - прагляд новых хакеістаў. Бо мне вядома, як можа гуляць Паўловіч, напрыклад, або Хенкель. Яны атрымліваць час у будучых матчах, але асноўны ўпор будзем рабіць на прагляд моладзі. Калі я не памыляюся, зараз у нас 10 новых спартсменаў у параўнанні з тым складам, што быў на мінулай міжнароднай паўзе. Безумоўна, мы разлічваем на перамогу ў гэтых сустрэчах".
Першы таварыскі матч супраць Казахстана пройдзе заўтра ў Маладзечне. Пачатак у 19:00. Прамую трансляцыю сустрэчы будзе весці тэлеканал "Беларусь 5". У суботу гульня на "Чыжоўка-Арэне" стартуе ў 18 гадзін.
