Сабаленка і Мертэнс прайгралі ў матчы выніковага турніру WTA

Беларуска Арына Сабаленка і бельгійка Элізэ Мертэнс паражэннем завяршылі групавы этап на выніковым турніры Жаночай тэніснай асацыяцыі (WTA), які праходзіць у кітайскім Шэньчжэні.

Сёння ў заключным матчы Чырвонай групы беларуска-бельгійская пара сустракалася з пераможніцамі леташняга выніковага турніру WTA - венгеркай Тымеа Бабаш і Крысцінай Младэнавіч з Францыі - і выйграла першы сэт з лікам 6:4. Але затым дамінавалі саперніцы: у другой партыі яны выйгралі 6:2, а на вырашальным тай-брэйку перамаглі 10:5. Сустрэча працягвалася 1 гадзіну 20 хвілін.