Беларус Уладзімір Самсонаў згуляе з немцам Дзмітрыем Аўчаровым. Выйсці ў чвэрцьфінал адзіночнага разраду спартсмену ўдалося сёння раніцай. Саперніка - брытанца Пола Дрынкхола - Самсонаў перайграў з лікам 4:2. Беларус вёў 3:0 і 10:5 у чацвёртай партыі, але ў выніку толькі з дзявятага матчбола дамогся станоўчага выніку.
Для Самсонава цяперашні алімпійскі чвэрцьфінал трэці ў кар'еры. Пятая ракетка свету - Аўчароў - добра знаёмы беларусу. Тэнісісты-аднаклубнікі не раз сустракаліся на розных турнірах. Усяго паміж імі было згуляна 10 паядынкаў, з якіх 6 разоў перамога даставалася беларусу. Чвэрцьфінальны матч Самсонаў - Аўчароў пачнецца ў 22:00 па беларускім часе.
