Найважнейшая перамога беларускага футбола за апошнія 10 гадоў! Нацыянальная зборная напярэдадні стала бліжэй да мары - да першага ў гісторыі краіны топ-турніру. Наша каманда зарабіла тры ачкі ў групавым турніры Лігі нацый, атрымаўшы верх у гасцях над зборнай Люксембурга - 2:0. Падзея ўскалыхнула сацсеткі. Балельшчыкі жыва абмяркоўваюць вельмі патрэбную вікторыю над самым "нязручным" для нас сапернікам. Рыторыка балельшчыкаў пасля доўгачаканай і стратэгічнай перамогі змянілася кардынальна. Сёння нашай камандай захапляюцца, і, пагадзіцеся - хлопцы заслужылі!
Аб перадапошнім кроку ў групавым турніры з Люксембурга перадае Мікалай Стула.
