Зборная Беларусі здабыла першую перамогу на чэмпіянаце свету па хакеі. Напярэдадні наша дружына ўзяла верх над зборнай Казахстана - 4:1. Пераможную шайбу ў другім перыядзе закінуў Мікалай Стасенка. І па ўмовах акцыі Прэзідэнцкага спартыўнага клуба, якая стартавала на планетарным форуме ў Германіі, менавіта аўтар рашаючага кідка вызначае адрасата фінансавай дапамогі ў памеры 75 мільёнаў рублёў. Дзіцяча-юнацкая спартыўная школа хакейнага клуба Юнацтва па рашэнні Мікалая атрымае гэтыя грошы.
Гісторыя перамогі - у Станіслава Ліпскага. Зборная Беларусі напярэдадні здабыла гістарычную перамогу - першую на хатнім чэмпіянаце: 4-1 - абыграны Казахстан. Такія моманты назаўжды ўразаюцца ў памяць і яшчэ мацней аб'ядноўваюць нацыю.
Прапусціўшы ў першым перыядзе, нашай зборнай спатрэбілася 18 хвілін, каб адыграцца. Андрэй Сцяпанаў зраўняў лічбы на табло.
А ўжо праз 8 хвілін Мікалай Стасенка, які выступаў пяць гадоў за сталічнае Юнацтва, вывеў беларусаў наперад. Як аказалася пазней, яго кідок стаў пераможным. А аўтар рашаючай шайбы, па ўмовах акцыі Прэзідэнцкага спартыўнага клуба, вольны выбіраць, каму дастанецца матэрыяльная дапамога ў памеры 75 мільёнаў беларускіх рублёў. Мікалай ні секунды не сумняваўся.
Сяргей Касціцын і Аляксей Калюжны перамогу зрабілі яшчэ больш упэўненай. Настаўнік зборнай - Глен Хэнлан пасля перамогі быў катэгарычны.
На матчы прысутнічала 13700 балельшчыкаў - мы прэтэндуем на рэкорд - бо пакуль у сярэднім на кожны паядынак прыходзіць 9184 балельшчыкі, а наперадзе яшчэ 14 спаборніцкіх дзён!
Адзначым перамогу зборнай Італіі над Францыяй, якая ў першы дзень чэмпіянату перамагла канадцаў. А таксама пройгрыш зборнай Латвіі 2-3 камандзе Германіі.
Сёння ўсе разам хварэем за нашых - у 16:40 беларусы пачнуць свой паядынак супраць віцэ-чэмпіёнаў свету мінулага года - швейцарцаў.
