Сёння другі дзень хакейных баталій на “Чыжоўка-Арэне”. У Мінску праходзіць 13-ы Калядны турнір на прыз Прэзідэнта Беларусі.
Першымі на лёд сёння выйшлі каманды Расіі і Фінляндыі. Дружына нашых усходніх суседзяў пасля разгромнага паражэння напярэдадні ад славакаў, 0-12, сёння гуляе ўнічыю, 4-4. Заўтра на малой пляцоўцы "Чыжоўка-Арэны" прадстаўнікі краіны Суомі пазмагаюцца са Славакіяй. Сапернік каманды Расіі - Швейцарыя.
Аб'яднаныя Арабскія Эміраты разграмілі каманду Швейцарыі – 6-1. І гэта перамога стала для жыхароў поўдня першай за ўвесь час выступлення на Калядным турніры.
Некалькі хвілін таму на малой арэне завяршыўся матч каманд Германіі і Славакіі. Перамогу з лікам 6-1 святкавалі славакі. А на вялікай арэне ў 19:00 стартавала сустрэча каманды Прэзідэнта Беларусі і дэбютанта турніру - зборнай Балкан, у склад якой уваходзяць прадстаўнікі васьмі дзяржаў. Гэту сустрэчу ў запісе пакажа тэлеканал "Беларусь 5". Пачатак трансляцыі ў 21:50.