Паралімпійская зборная Беларусі выходзіць на 13-е месца медальнага заліку. Зараз у бразільскай скарбонцы нашай каманды сем залатых і адна бронзавая ўзнагарода. Шосты медаль вышэйшай пробы заваяваў Андрэй Праневіч, які выйграў спаборніцтвы шпажыстаў у катэгорыі Б. У напружаным фінальным паядынку беларус зламаў Амара Алі з Ірака. Ні аднаму з сапернікаў на працягу ўсёй сустрэчы не атрымлівалася адарвацца больш як на тры балы. Але канцоўка залатога паядынку засталася за нашым беларусам.
Андрэй Праневіч - спартсмен з Полацка - да золата ў Рыа выйграваў чэмпіянат Еўропы. Год таму ён станавіўся трэцім ужо на чэмпіянаце свету.
І яшчэ адна беларуская перамога ў Рыа - сёння ўначы. Наш плывец Уладзімір Ізотаў выйграў фінальны заплыў на дыстанцыі 100 метраў брасам, устанавіўшы пры гэтым новы паралімпійскі рэкорд і пабіўшы сваё ж дасягненне Лондана чатырохгадовай даўнасці. У Рыа Ізотаў апярэдзіў амаль на 2 секунды Дзмітрыя Салея, які некалі выступаў за Беларусь, а зараз знаходзіцца ў складзе каманды Азербайджана.
