Прыемна, што адтаюць у гэты злёгку марозны час і спартыўныя спаборніцтвы. Старт зімовага сезона, які мы чакалі з сакавіка. Біятлон заўсёды дарыў беларускім балельшчыкам мора эмоцый на Алімпійскіх гульнях, а сам від спорту традыцыйна называюць сямейным, бо шматлікія пачынаюць яго глядзець з дзяцінства ў коле блізкіх. Аднак сезон мінулы пакінуў дваякае ўражанне, бо нашы спартсмены ні разу не падняліся на п'едэстал у Кубку свету, але двойчы бралі ўзнагароды найвышэйшай пробы на чэмпіянаце Еўропы - ён, дарэчы, праходзіў у лютым у Беларусі.
Біятланісты нацыянальнай зборнай з-за пандэміі з сакавіка па кастрычнік праводзілі падрыхтоўку дома, у Раўбічах, пра што зусім не шкадуюць. А на гэтых выхадных ужо стартавалі на этапах Кубка свету, першыя два якіх прымае Фінляндыя. І Міжнародны саюз біятланістаў робіць усё магчымае, каб колькасць гонак у сезоне не стала меншай, чым мы прывыклі. Важны момант - сезон перадалімпійскі, і абрысы зборнай у Пекіне-2022 ужо бачныя.
Аўтар матэрыялу Андрэй Казлоў лічыць, што мы маем права спадзявацца на высокія вынікі, бо ёсць пастаянны прагрэс, касцяк каманды, які сфарміраваўся, малады ўзрост хлопцаў і жаданне перамагаць і працаваць. Рэпартаж аб першай гонцы сезона пачнецца прама з рабочага месца - з каментатарскай кабінкі тэлеканала "Беларусь 5".
