Наймацнейшыя пілоты верталётаў на аэрадроме Баравая працягваюць змагацца за званне лепшай каманды свету. Сёння - у другі дзень планетарнага чэмпіянату па верталётным спорце - вызначаюць лепшыя экіпажы ў практыкаванні "Навігацыя". Гэта адна з самых складаных частак спаборніцтваў: пілоты павінны выявіць максімальную дакладнасць вылічэнняў і прыбыць да фінішу ва ўстаноўлены час. Працягласць маршруту - да 90 кіламетраў. У беларускай зборнай ужо ёсць адзін залаты і адзін бронзавы медалі. Пераможным для нас стала практыкаванне "Паралельная развозка грузу".
Заўтра экіпажы будуць спаборнічаць у "Паралельным слаламе". Удзельнікі павінны пранесці ёмістасць з вадой, не расплюхаўшы вадкасць. У суботу адбудуцца верталётныя гонкі - самая відовішчная частка чэмпіянату.
