Галоўная спартыўная навіна тыдня - гэта, вядома, фінал чэмпіянату свету па хакеі. Сёння - адразу пасля нас. Хто атрымае перамогу, даведаемся ўжо гэтым вечарам. А пакуль працягваем абмяркоўваць беларускае выступленне на першынстве наймацнейшых хакейных каманд планеты. Адразу пасля завяршэння заключнага матча супраць Францыі кіраўнік федэрацыі Ігар Рачкоўскі па гарачых слядах назваў прычыны няўдалага выступлення нацыянальнай зборнай. Галоўная з іх - не было цэласнага калектыву. У прыватнасці, не выявілі сябе належным чынам тыя, ад каго гэтага чакалі перш за ўсё. Некаторых хакеістаў мы не ўбачым і ў трэнінг-кэмпе напярэдадні дамашняй алімпійскай кваліфікацыі.
6-е месца ў групе - такі вынік выступлення зборнай Беларусі на чэмпіянаце свету. У сямі матчах атрымалі перамогі ўсяго ў двух - над славакамі і французамі. Перамога над апошнімі з лікам 3:0 захавала нашу каманду ў эліце сусветнага хакея. Але гэта нікога не задаволіла. Як быць далей, хто апынуўся слабым звяном, прапануем разабраць зараз разам з гасцямі "Галоўнага эфіру". З намі сёння: форвард хакейнай зборнай Беларусі Андрэй Стась, а таксама спартыўны каментатар Аляксандр Дзмітрыеў і аглядальнік газеты "Прессбол" Вячаслаў Федарэнкаў.
Вось яшчэ некалькі меркаванняў па вяртанні на Радзіму. Андрэй Сцяпанаў і Андрэй Касціцын.
