Жараб'ёўка вызначыла зборную Беларусі па пляжным футболе ў адну з самых складаных груп на чэмпіянаце свету. Такім меркаваннем эксклюзіўна для Агенцтва тэленавін падзяліўся трэнер нашай дружыны Нікалас Альварада. Зараз беларуская дэлегацыя знаходзіцца ў Аб'яднаных Арабскіх Эміратах, якія і будуць у лютым наступнага года прымаць мундыяль. Адна з самых паспяховых каманд Сінявокай сярод гульнявых відаў спорту за апошнія гады ў выніку выступіць у квартэце C. Сапернікамі беларусаў на групавым этапе будуць зборныя Японіі, Сенегала і Калумбіі. У сусветным рэйтынгу японцы знаходзяцца на 6-м радку, сенегальцы на 7-м, калумбійцы на 11-м. Беларусы пакуль па-за першай дваццаткай. Але зводны табель не адлюстроўвае поўнай карціны. Нагадаем, зусім нядаўна нашы хлопцы выйгралі бронзу Еўралігі ў італьянскім Альгера. Так што ўсё ў нашых руках.
Чэмпіянат свету пройдзе ў ААЭ з 15 па 25 лютага.
