Нягледзячы на перамогу ў матчы з камандай Германіі, хакеісты зборнай Беларусі аказаліся незадаволеныя сваёй гульнёй у большасці. Нагадаем, гаспадарам удалося забіць усяго адну шайбу, гуляючы ў няроўных саставах. Аднак, паводле слоў Андрэя Стася, для якога гэты матч стаў першым пасля завяршэння выступлення мінскага "Дынама" ў сезоне, у гэтай сустрэчы, апроч выніку, ёсць і станоўчы момант.
Сёння ў Бабруйску зборныя Беларусі і Германіі правядуць яшчэ адзін паядынак. Ужо дакладна вядома, што месца ў варотах зойме Кевін Лаланд. Пачатак сустрэчы ў 17:30.
