Яна хоць і не змагла быць у Палацы спорту, усё роўна стала галоўным героем урачыстасці. Дар'я Домрачава. Мама трохразовай алімпійскай чэмпіёнкі Ларыса Аляксееўна атрымала адразу дзве статуэткі: "Вынік года" і "За волю да перамогі". Таксама Дар'я ў складзе жаночай зборнай Беларусі па біятлоне стала лепшай у намінацыі "Каманда года".
Людміла Калінчык выступленні ў вялікім спорце завяршыла, яна цяжарная. Гэтак жа, як алімпійская чэмпіёнка Ала Цупер. Фрыстайлістка чакае ўжо другое дзіця, але ўсё ж выйшла на сцэну па ўзнагароду - "Прарыў года".
У намінацыі "Трэнер года" біятлонны чараўнік немец Клаус Зіберт склаў вельмі годную канкурэнцыю нашаму герою Мікалаю Казеку. Розніца ў колькасці галасоў была мінімальная.
Яшчэ адзін вучань Казекі - Антон Кушнір - да золата Алімпіяды дадае бронзава-мармуровую статуэтку вагай на два кілаграмы. Ён спартсмен года.
Перамога хакейнай зборнай Беларусі над Латвіяй і выхад у плэй-оф хатняга чэмпіянату свету - гэта самы яркі момант. Паралімпіец Васіль Шаптабой узнагароджаны за волю да перамогі.