Прыярытэтныя кірункі ўзаемнага супрацоўніцтва абмеркавалі прэм'ер-міністры Беларусі і Латвіі

16 Студзеня 2020
Беларусь шануе падтрымку Латвіі ў аказанні фінансавай дапамогі з боку Еўрасаюза і зацікаўлена ў пашырэнні такіх інструментаў. Прыярытэтныя кірункі ўзаемнага супрацоўніцтва прэм'ер-міністры сёння абмеркавалі ва ўрадзе. Кіраўнік беларускага Кабінета міністраў падзякаваў калегу за канструктыўную пазіцыю ў наладжванні адносін паміж нашай краінай і ЕС і выказаў упэўненасць, што сумесныя сустрэчы стануць асновай для падрыхтоўкі візіту на вышэйшым узроўні ў найбліжэйшы час. Партнёры маюць намер развіваць транзітны патэнцыял дзвюх краін. Таксама латвійскі бізнес атрымаў запрашэнне ў індустрыяльны парк "Вялікі камень".