Нацыянальная зборная Беларусі па хакеі адправілася ў Славенію на Кубак чатырох нацый, склад зборнай пры гэтым скараціўся да 21 чалавека. На турнір па розных прычынах не паехалі абаронцы: Яроменка, Сушко і Макрушоў, форварды: Сабко, Кацялоўскі, Мельнікаў, Рэмезаў, Субхі і Качалоўскі, паведамляе афіцыйны сайт Федэрацыі хакея. Нагадаем, кіраваць беларускімі хакеістамі на Кубку будуць Канстанцін Кальцоў і Міхаіл Грабоўскі, дапамагаць ім Дзмітрый Астапенка. 11 лістапада Беларусь згуляе з Аўстрыяй, на наступны дзень - са Славеніяй, а ў суботу праэкзаменуем французаў.
