Самы рэальны шанец у гісторыі трапіць на топ-турнір. Нацыянальная зборная Беларусі па футболе заўтра пачне шлях у Лізе нацый - новых спаборніцтвах, якія дазволяць пераможцу дывізіёна Д напрамую прабіцца ў фінальную частку чэмпіянату Еўропы. На стадыёне "Дынама" беларусы стартуюць з хатняга матча супраць Сан-Марына. Акрамя таго, нашымі сапернікамі па групе будуць Люксембург і Малдова.
Каманды выявяць наймацнейшага па двухколавай сістэме розыгрышу, затым наступіць стадыя плэй-оф. Паядынак супраць сан-марынцаў пачнецца ў 19 гадзін і будзе паказаны на тэлеканале "Беларусь 5". Як заявіў галоўны трэнер Ігар Крывушэнка, у зборную прыехалі амаль усе самыя моцныя.
Якім выйшла вяртанне каманды на стадыён "Дынама" пасля шасцігадовага перапынку, на чым грунтуецца аптымізм Ігара Крывушэнкі, калі беларускі футбол верне страчаныя пазіцыі, што для гэтага трэба зрабіць? Эксклюзіўнае інтэрв'ю з настаўнікам галоўнай каманды краіны ў нядзельнай праграме "Галоўны эфір" у 21 гадзіну.
