І пачынаем выпуск з прыемных спартыўных навін. Віншаванні сёння гучаць на адрас нашай канькабежцы Марыны Зуевай. Першы дзень пятага этапу Кубка свету ў Нарвегіі прынёс нам бронзавую ўзнагароду. Лідар нашай зборнай увайшла ў тройку лепшых на дыстанцыі 3 тысячы метраў. Гэты медаль стаў другім у кар'еры беларускі, выйграны на этапах Кубка свету. У сакавіку мінулага года Марына на такой жа дыстанцыі выйграла срэбра, і здарылася гэта на вачах беларускіх балельшчыкаў, якія прыйшлі падтрымаць спартсменку на канькабежны стадыён "Мінск-Арэны". Спаборніцтвы ў Нарвегіі працягнуцца і заўтра.
Пераносімся ў сталіцу Германіі. Тут ушаноўваем ужо адну з лепшых лёгкаатлетак Беларусі - Эльвіру Герман. Чэмпіёнка Еўропы - 2018 увайшла ў тройку прызёраў у бегу на 60 метраў з бар'ерамі на статусным турніры ў Берліне. Пры гэтым Герман паўтарае свой лепшы вынік у зімовым сезоне. Наогул, варта адзначыць, што спаборніцтвы ў Берліне для Эльвіры з'яўляюцца найболей дзейснымі. У жніўні мінулага года беларуска тут зрабіла фурор. Яна стала першай на кантынентальным першынстве. Пажадаем ёй не змяншаць пераможных тэмпаў, бо наперадзе галоўны старт зімовага сезона для нашых лёгкаатлетаў. З 1 па 3 сакавіка ў Глазга адбудзецца чэмпіянат Еўропы
.
