Што ж, да 2022 года, як гаворыцца, яшчэ дажыць трэба. Давайце пагаворым зараз аб чымсьці больш блізкім. Наступіў люты, і тыя людзі, якія пільна сочаць за спортам, ведаюць, што гэты месяц будзе па-сапраўднаму гарачым. У канцы лютага Мека беларускага біятлона Раўбічы прыме чэмпіянат Еўропы. Паралельна пройдзе "Гонка легенд". Дар'я Домрачава і Надзея Скардзіна дома афіцыйна развітаюцца з вялікім спортам. Не забываем і пра этап Кубка свету па фрыстайле.
Але першымі пракладуць маршрут на трасах Раўбіч дзеці. Больш за сотню школьнікаў - аматараў біятлона - з усёй краіны выступяць на фінальным этапе рэспубліканскіх спаборніцтваў "Снежны снайпер" на прызы Прэзідэнцкага спартыўнага клуба. У дзяцей ужо пачаліся трэніровачныя зборы - увесь тыдзень у іх пройдзе па насычаным алімпійскім раскладзе. Дарэчы, біятлон будзе не толькі ў Раўбічах. "Мінская лыжня", якая традыцыйна праходзіць у Вяснянцы, у гэтым сезоне змяніла фармат. Лыжнікі будуць не толькі бегаць, але і страляць. Гатоўнасць лыжаролернай трасы напярэдадні праверылі спартсмены-аматары. Падрабязнасці ў рэпартажы Крысціны Камыш.
Зіму трэба праводзіць актыўна. Адно з самых папулярных месцаў у аматараў спорту ў Мінску - лыжаролерная траса ў Вяснянцы. Тут катаюцца кругласутачна. На гэтым тыдні актывісты прывыкалі да новых краявідаў. На адным з футбольных палёў для традыцыйнай "Мінскай лыжні" узвялі стрэльбішча.
"Мінская лыжня" пройдзе ў суботу - 9 лютага - у новым фармаце. Гэта будзе не лыжная гонка, як раней, а біятлонная.
Сяргей Кавальчук, міністр спорту і турызму Беларусі: "Зіма ў нас асацыюецца з некалькімі відамі спорту. Гэта хакей, біятлон, фрыстайл, лыжныя гонкі. Але найболей папулярны, вядома ж, біятлон. Таму было прынята рашэнне акцэнты зрабіць на гэты від спорту. Плюс яшчэ масавасць - чым больш людзей будзе займацца, тым больш спартсменаў у нас на нашай пірамідзе павінна быць. "Мінская Лыжня" - ужо традыцыйнае свята. Яно з года ў год праводзіцца. І трэба ўнесці нейкую адметнасць, нешта новае. Сёлета будзе выдатнае свята".
Першы старт прызначаны на 11 раніцы. У ім прымуць удзел каманды Прэзідэнта Беларусі, Адміністрацыі Прэзідэнта, Савета міністраў, аблвыканкамаў, Мінгарвыканкама і аматараў біятлона. Кожны ўдзельнік прабяжыць 3 кіламетры і 600 метраў. У гонцы запланаваныя два агнявыя рубяжы. Запасных патронаў не прадугледжана. За промах - штрафны круг у 50 метраў. Пасля заканчэння біятлоннай эстафеты пройдуць лыжныя. А затым адбудуцца масавыя старты для ўсіх ахвочых.
Напярэдадні ж Міністэрства спорту і турызму сумесна са структурнымі ведамствамі тэставалі трасу ў Вяснянцы на спартакіядзе.
Нябесная канцылярыя не пашкадавала ўдзельнікаў - ішоў снег з дажджом. Але ўсё роўна, і трасу, і стрэльбішча выпрабавалі. Да "Мінскай лыжні" ўсё гатова.
Дасягнуць станоўчых вынікаў пастараецца і падрастаючае пакаленне. На будучым тыдні пройдзе фінал рэспубліканскіх спаборніцтваў сярод дзяцей і падлеткаў па біятлоне "Снежны снайпер" на прызы Прэзідэнцкага спартыўнага клуба.
Гэта маладая лэдзі - Крысціна Кудзелка. Ёй 12 гадоў, і яна вядзе свой уласны блог аб "Снежным снайперу" на адным з папулярных відэахостынгавых парталаў.
Запісы набіраюць прагляды і лайкі. Дзяўчынка прадстаўляе каманду Мінскай вобласці. Летась яна ўзяла бронзу на рэспубліцы. У цяперашнім першынстве маленькая біятланістка паспрабуе палепшыць свой вынік.
Каманда Мінскай вобласці зараз актыўна трэніруецца да фіналу на зборы ў гарадскім пасёлку Плешчаніцы. Тут ідэальны замкнёны цыкл падрыхтоўкі - трэніроўка, ежа, адпачынак. Дапамагаюць дзецям навучэнцы мясцовай школы алімпійскага рэзерву. Яны выступаюць у ролі настаўнікаў і перадаюць свой досвед.
Самыя хуткія лыжнікі тут трапляюць да выкладчыкаў. Фінал спаборніцтваў "Снежны снайпер" прыме па традыцыі Мека беларускага біятлона Раўбічы. Юныя спартсмены з Магілёўскай, Гомельскай абласцей і Мінска ўжо размясціліся ў спарткомплексе.
Цэнтралізаваны збор для ўсіх сямі каманд з абласцей і горада Мінска стартуе ў спарткомплексе ў панядзелак - 4 лютага. На наступны дзень пачнецца лыжная падрыхтоўка.
Да 7 лютага будуць праходзіць заняткі з адоранымі дзецьмі. За гэты час дзеці вывучаць тэхніку бяспекі і навучацца карыстацца сапраўднай малакалібернай вінтоўкай.
"Снежны снайпер" праводзіцца з 2007 года. Біятланісты спаборнічаюць у трох групах: малодшай, сярэдняй і старэйшай. Узрост дзяцей ад 11 да 16 гадоў. Дзеці праходзяць сур'ёзны адбор - школьныя, раённыя, абласныя этапы "Снежнага снайпера". І толькі лепшыя змагаюцца за ўзнагароды ў рэспубліканскім фінале. Усяго за 12 гадоў больш як 500 тысяч школьнікаў паспрабавалі сябе на біятлонных дыстанцыях і ў стралковых цірах. Усе атрымаюць прызы. Фіналісты "Снежнага снайпера" цалкам экіпіруюцца.
Для спарткомплекса такі наплыў дзяцей яшчэ адна магчымасць праверыць свае сілы. Бо ў канцы лютага, з 18 па 24, у Раўбічах пройдуць чэмпіянат Еўропы па біятлоне, упадабаная "Гонка легенд" з провадамі з вялікага спорту Дар'і Домрачавай і Надзеі Скардзіны, а таксама этап Кубка свету па фрыстайле.
