Спаборнічаюць дарослыя і юніёры. На дыстанцыі 500 метраў Ігнат Галавацюк абнавіў рэкорд Беларусі і сваё ўласнае дасягненне. Зараз лепшы час - 35 секунд 33 мілісекунды. У канькабежцаў зараз адказны этап. Нашы спартсмены павінны заваяваць ліцэнзіі на зімовыя Гульні ў Пхёнчхан. Усяго на краіну можна выйграць тры квоты.
Ліцэнзіі будуць разыграныя на чатырох этапах Кубка свету - у Нарвегіі, Галандыі, Канадзе і Амерыцы. Завершыцца адбор на Алімпіяду 10 снежня.
