У Беларусі неабходна развіваць першым чынам дзяржаўную сістэму аховы здароўя. Пра гэта заявіў Прэзідэнт на цырымоніі адкрыцця ў Мінску новага будынка 9-й гарадской дзіцячай паліклінікі.
Важная падзея для жыхароў горада і раёна і клопат аб нашых малых. Пакуль ішло будаўніцтва, медслужбы давялося рассяліць па розных адрасах. Дарога з філіяла ў філіял, вядома, дастаўляла нязручнасці для пацыентаў. Умовы там былі сціснутыя. Таму адкрыццё новай паліклінікі, дзе ўсё сабрана на адной пляцоўцы, тут асабліва чакалі. Падтрымка сацыяльнай сферы - нязменны прыярытэт у Беларусі. Тым не менш, трэба найсур'ёзнейшым чынам прарэвізаваць усё, што будуецца ў "сацыялцы". Сэканомленыя сродкі накіруюць на павышэнне зарплат, у прыватнасці, медыкаў. Часы няпростыя, але гэта будуць рабіць!
Лукашэнка: Галоўнае не перавярнуць краіну, а ўсё астатняе мы пабудуем
Прэзідэнт гаварыў з людзьмі адкрыта, у тым ліку на глабальныя тэмы, напрыклад, аб падаплёцы сучасных пандэмій. Гэта вялізная барацьба за грошы і рэсурсы. Што датычыцца ўнутранай палітыкі, дзяржава ў любых умовах захавае падтрымку для шматдзетных. Гэта датычыцца і выплаты дапамог, і вырашэння жыллёвых праблем, і паслуг у адукацыі і ахове здароўя.
Як усё ўладкована на новай медыцынскай пляцоўцы, Аляксандр Лукашэнка паглядзеў асабіста. Магутнасці паліклінікі разлічаны на 400 наведванняў за змену. Начынне самае сучаснае - паліклініка аснашчана высокатэхналагічным абсталяваннем. Усе кабінеты і спецыялісты на адной пляцоўцы, што значна палепшыць даступнасць і якасць медыцынскай дапамогі. На абслугоўванні амаль 16 тысяч маленькіх пацыентаў. Гэта жыхары пяці раёнаў Мінска - пасёлкаў Трактарны завод і Мотавела, Дражня, Сцяпянка і Сляпянка. Наведваючы медустанову, Прэзідэнт даручыў аператыўна вырашаць усе пытанні, звязаныя з дзіцячай аховай здароўя.
