Лепшыя з перспектыўных юных біятланістаў Беларусі адправіліся на першы замежны трэніровачны збор

14 чалавек ва ўзросце ад 13 да 19 гадоў наведаюць Аўстрыю па выніках чатырохэтапнага Кубка Беларускай федэрацыі біятлона.

Турнір ужо дакладна замацаваў за сабою статус сур'ёзнага спаборніцтва сярод юных спартсменаў. Арганізатары пастараліся стварыць умовы, максімальна набліжаныя да ўмоў дарослых этапаў Кубка свету. Навіны пра перамогі і вынікі лыжнікаў, якія страляюць, аператыўна з'яўляліся ў выпусках Агенцтва тэленавін, а для арганізацыі прамых трансляцый з фінальнага этапу выкарыстоўвалася самая сучасная тэхніка - новыя перасоўныя станцыі і некалькі дзясяткаў камер, здымкі вяліся з паветра. Адным словам, з-пад увагі балельшчыкаў не выпаў ні адзін сантыметр дыстанцыі або стрэл на агнявых рубяжах. 

У Рамзау наша каманда прабудзе тыдзень. Запланаваныя па дзве трэніроўкі на дзень, адна з якіх - гарналыжная.