Фанатам, якія рэгулярна парушаюць парадак на стадыёне, могуць забараніць наведваць спартыўныя мерапрыемствы ад трох месяцаў да трох гадоў.
Адпаведнае пытанне аб унясенні змяненняў і дапаўненняў у заканадаўства абмяркоўвалі сёння ў Палаце прадстаўнікоў. Дакумент разгледзяць на вясновай сесіі.
Раман Мельнік, начальнік Галоўнага ўпраўлення аховы правапарадку і прафілактыкі МГБ МУС Беларусі: "Законапраект прадугледжвае вядзенне адкрытага спісу, у тым ліку, які будзе афіцыйна вывешаны на сайце МУС. Любы грамадзянін, які трапляе ў сферу дзейнасці гэтай забароны, ён будзе ведаць не толькі з судовага рашэння, але ён яшчэ і будзе бачыць сябе на сайце МУС. Фармальна будуць паказаны прозвішча, імя, імя па бацьку, можа год нараджэння".
Таксама МУС ініцыюе стварэнне новай сістэмы відэаназірання, якая зможа не толькі рэагаваць, але і пазнаваць асобу.