Дзмітрый Буйніцкі вяртаецца ў мінскае "Дынама"

Малады беларускі нападаючы Дзмітрый Буйніцкі падпісаў аднабаковы кантракт з мінскім "Дынама" на адзін год - пра гэта сёння паведаміў афіцыйны сайт "зубраў". Мінулы сезон беларус правёў у дзвюх моцных камандах Кантынентальнай хакейнай лігі - магнітагорскім "Металургу" і омскім "Авангардзе", аднак за аснову апошняга так і не згуляў. Буйніцкі выступаў у "Дынама-Мінск" раней на працягу чатырох сезонаў, усяго на рахунку ў КХЛ у форварда 115 матчаў і 20 набраных балаў, 13 з якіх - закінутыя шайбы. Буйніцкі - гулец нацыянальнай зборнай Беларусі.