У Мінску стартавалі гарадскія спаборніцтвы сярод дзяцей і падлеткаў па хакеі. Лепшых спартсменаў-аматараў сталіцы вызначаць ужо 22 раз.
У турніры ўдзельнічаюць 9 каманд, якія папярэдне атрымалі перамогі ў раённых спаборніцтвах. Сёлета фармат "Залатой шайбы" не змяніўся - трыумфатараў будуць вызначаць у дзвюх узроставых групах: старэйшай і малодшай. Фінальныя гульні ў малодшай пройдуць у лютым. Сёння адразу пасля ўрачыстага ўкідання прайшоў першы матч турніру. Права адкрыць спаборніцтвы належала пераможцам мінулых гульняў - камандам "Грыфоны" з Цэнтральнага і "Партызаны" з Партызанскага раёнаў. У выніку "Грыфоны" перамаглі - 8:4 .
Сяргей Клішэвіч, першы сакратар Мінскага гарадскога камітэта БРСМ: "Зараз мы бачым, што ідзе змена. Новыя хлопцы прыйшлі на гэты турнір. Сапраўды, новыя хлопцы, якія не прафесійна займаюцца, а дваровыя і школьныя каманды, якія гуляюць на звычайных лядовых пляцоўках, якія заліты на тэрыторыі кожнай школы. Сапраўды, гэта вельмі важна, каб менавіта гэтыя хлопцы падцягваліся. Бо менавіта тут яны могуць учапіцца за гэтую гульню, за хакей. І далей працягваць займацца спортам прафесійна".
Дзмітрый Баскаў, галоўны трэнер ХК "Грыфоны", дырэктар СДЮШАР "Дынама", намеснік старшыні Федэрацыі хакея Беларусі: "Прынцыпы застаюцца ўсё тыя ж. Гэта даць хлопцам, якія не займаюцца прафесійна хакеем у школах, паспрабаваць сябе ў хакеі. І паралельна тым дзецям, якія займаюцца ў СДЮШАРах, але не маюць гульнявую практыку, па нейкіх прычынах не выступалі ў бягучым сезоне, даць магчымасць ім пайграць. Таму што для любога дзіцяці адна гульня не заменіць ніякай трэніроўкі. Г.з. гульня - гэта тое месца, дзе яны атрымліваюць задавальненне ад хакея".
Пераможца гарадскіх спаборніцтваў "Залатая шайба" вызначыцца 12 снежня. Рэспубліканскія пройдуць у студзені. Арганізатары ўжо падрыхтавалі прыз трыумфатарам - хрустальную шайбу.
