Бакі абмяркуюць сферы, дзе яшчэ можна пашырыць узаемадзеянне. Усе падрабязнасці ў нашага ўласнага карэспандэнта ў Расіі Дар'і Белавусавай-Пятроўскай.
Сення горад на Няве статус культурнай сталіцы Расіі змяніў на дзелавы. Дзясяткі бізнесменаў і кіраўнікоў розных прадпрыемстваў з Беларусі і Санкт-Пецярбурга прымаюць удзел у юбілейным, дзясятым Савеце дзелавога супрацоўніцтва. Тэм для абмеркаванняў шмат, гэта і прамысловая кааперацыя, абмен вопытам у галіне сельскай гаспадаркі, аховы здароўя, навукі. Дэлегацыю нашай краіны ўзначальвае прэм'ер-міністр Андрэй Кабякоў.
У 2017 годзе тавараабарот Беларусі з Санкт-Пецярбургам склаў больш за 1,5 мільярда долараў. Але гэтую лічбу можна павялічыць, таму праграма рабочага візіту прэм'ер-міністра вельмі насычаная. Аснова беларускага экспарту - гэта прадукты харчавання: свежая і астуджаная ялавічына, мяса хатняй птушкі, сыры, тварог, малако, егурты. Таксама грузавыя аўтамабілі і вагоны для цягнікоў і трамваяў. З Санкт-Пецярбурга ў Беларусь імпартуюць легкавыя аўтамабілі, электрычныя рухавікі і генератары, металаканструкцыі з чорных металаў. Але абодва бакі зацікаўленыя ў развіцці новых кірункаў. Напрыклад, фармацэўтыка. Сення Андрэй Кабякоў наведае прадпрыемства "Палісан". Яно ўваходзіць у дзясятку найбуйнейшых расійскіх вытворцаў медпрэпаратаў. Менавіта тут выпускаюць разумныя лекі ад грыпу і ВРВІ - цыклаферон. Яшчэ адна сфера супрацоўніцтва - будаўніцтва. Так, у наступным годзе ў Мінску плануюць пабудаваць Пецярбургскі квартал "Пятроўскія верфі", а ў Санкт-Пецярбургу будзе закладзены новы комплекс шматкватэрных дамоў "Жураўлі".
Таксама сення прэм'ер-міністр Беларусі сустрэнецца ў Смольным з губернатарам Санкт-Пецярбурга. Андрэй Кабякоў і Георгій Палтаўчанка прымуць удзел у дзясятым Савеце дзелавога супрацоўніцтва. Па выніках пасяджэння плануюць падпісаць некалькі двухбаковых дакументаў. Яны датычыцца паставак харчовых тавараў з Беларусі ў Санкт-Пецярбург, а таксама супрацоўніцтва ў галіне навукі і аховы здароўя.
